Pavlodarda respýblıkalyq mańyzy bar jol ýchaskesi paıdalanýǵa berildi
ASTANA. KAZINFORM — Pavlodar oblysynda «Atameken — Aqsý — Kóktóbe — Úlken Aqjar — Kýrchatov» avtojolynyń 15 shaqyrymynda ortasha jóndeý jumystary aıaqtaldy.
Pavlodar oblysynda respýblıkalyq mańyzy bar KZ14-03 Atameken — Aqsý — Kóktóbe — Úlken Aqjar — Kýrchatov qalasy avtomobıl jolynyń 0–15 shaqyrym aralyǵyndaǵy ýchaskesinde ortasha jóndeý jumystary tolyq aıaqtalyp, paıdalanýǵa berildi.
Jóndeýden ótken ýchaskeniń jalpy uzyndyǵy 15,040 shaqyrymdy quraıdy. Atalǵan avtomobıl joly II tehnıkalyq sanatqa jatady.
Joba aıasynda qoldanystaǵy jol jabyny jonylyp, iri túıirshikti asfaltbeton qospasynan tómengi qabat jáne qıyrshyq tasty-mastıkalyq asfaltbeton qospasynan joǵarǵy qabat tóseldi.
Sonymen qatar, 11+370 shaqyrymdaǵy jol aıryǵynda jáne 14+900 shaqyrymda ornalasqan jol ótpesinde deformatsııalyq jikter aýystyryldy.
Jóndeý jumystary avtomobıl jolyn normatıvtik talaptarǵa sáıkes kútip-ustaý, jol jabynynyń sapasyn jaqsartý jáne avtokólik qozǵalysynyń qaýipsizdigi men qolaılylyǵyn arttyrý maqsatynda júrgizildi.
Jańartylǵan jol ýchaskesi júrgizýshiler úshin qaýipsiz ári jaıly qozǵalysty qamtamasyz etýge múmkindik beredi.
Aıta ketelik aqyly jolda tólem jasaýdyń jańa tásili engizilip jatqany týraly jazǵan edik.
