Pavlodarda respıratorlyq vırýstyq ınfektsııa juqtyrǵandar kóbeıe túsken

PAVLODAR. KAZINFORM - Óńirlik jedel járdem stansasy turǵyndar tarapynan jedel respıratorlyq vırýstyq ınfektsııalarmen baılanysty qońyraýlar jıilep ketkenin habarlady. Máselen, 21-23 maýsym kúnderi JRVI dıagnozy boıynsha 313 shaqyrtý túsken.

Ótken demalys kúnderi 103 jelisine soǵylatyn qońyraýlar sany 25% - ǵa deıin ósken.

«Jedel respıratorlyq vırýstyq ınfektsııalarmen baılanysty qońyraýlar óte kóp boldy. Kún saıyn JRVI dıagnozymen qońyraýlardyń ósýi tirkelip otyr. Mysal úshin 21 maýsymda 90, 22 maýsymda 99, al 23 maýsymda 124 shaqyrtý tirkeldi. Suranystyń artýyna qaramastan, bizdiń medıtsınalyq brıgadalar barlyq qońyraýdy normatıvtik merzimde pysyqtap, alǵashqy medıtsınalyq kómek kórsetip jatyr. Qajet bolǵan jaǵdaıda naýqastardy aýrýhanaǵa jatqyzdy», - deıdi óńirlik jedel járdem stansasy basshysynyń orynbasary Irına Mışenko.

Eske sala keteıik, 1 qyrkúıekte papılomma vırýsyna qarsy ekpe egý bastalady.