Pavlodarda resmı jumyssyzdar sany jarııalandy
ASTANA. KAZINFORM – Pavlodar qalasynyń Mansap ortalyǵynyń málimetinshe, keıbir turǵyndar densaýlyq jaǵdaıy men biliktilik deńgeıine baılanysty jumysqa ornalasa almaı júr, dep habarlaıdy Kazinform agenttiginiń tilshisi.
Ortalyqtyń málimetine sáıkes, resmı jumyssyzdar sany turaqty túrde ózgerip otyrady. Mansap ortalyǵynyń mamandary bos jumys oryndaryn úzdiksiz izdegenimen, barlyq pavlodarlyqtarǵa laıyqty jumys tabyla bermeıdi.
Sonymen qatar keıbir jumys izdeýshilerdiń talaptary da joǵary. Jumys júktemesi az bolǵanymen, joǵary jalaqy alǵysy keledi. Al jastar kóbine aqparattyq tehnologııalar salasyndaǵy bos jumys oryndaryn izdeıdi.
Sondaı-aq Pavlodar oblysy ónerkásiptik óńir bolǵandyqtan, tokar, slesar jáne elektrık sııaqty jumysshy mamandyqtaryna suranys joǵary.
– Jalaqy, árıne, mamandyqqa baılanysty ózgeredi. Mysaly, vahter, kúzetshi sekildi aýyr fızıkalyq kúshti qajet etpeıtin qyzmetterdiń eńbekaqysy 130 myńnan 180 myń teńgege deıin. Al búginde eńbek naryǵynda suranysqa ıe tokar, jóndeýshi-slesar, montajshy sııaqty tar beıindi mamandar 500–600 myń teńgeden astam jalaqy alady, – dedi Pavlodar qalalyq Mansap ortalyǵynyń dırektory Qarlyǵash Asaımova.
Jumyspen qamtý máselesin sheshýge bos jumys oryndary jármeńkeleri de yqpal etip keledi. Ádette mundaı is-sharalarǵa túrli kásiporyndardyń 50-ge jýyq ókili men jumys izdep júrgen myńǵa deıin qala turǵyny qatysady.
Eske salaıyq, buǵan deıin Qazaqstanda 2026 jylǵy I toqsanda jumyssyzdyq deńgeıi 4,5% bolǵanyn jazdyq.
Al 69,8 myń qazaqstandyq memleket qoldaýymen jumysqa ornalasty.
