Pavlodarda reseılik nómiri bar kólik júrgizýshisine 700 myń teńge aıyppul salynǵan
«VAZ 21014» markaly kólik júrgizýshisi 32 ret ereje buzǵany úshin kameraǵa túsken. Ol Reseı Federatsııasynda tirkeý esebinen shyǵarylsa da Qazaqstanda osy kólikti júrgizip kelgen. Jol júrý erejesin buzǵany úshin júrgizýshige 713 myń 965 teńge aıyppul salyndy», - dedi Pavlodar oblystyq polıtsııa departamentiniń baspasóz qyzmetinen.
Júrgizýshi aıyppuldaryn áli tólemegen. Pavlodar oblysynda jol júrý erejesin buzǵandardyń 20 % - Reseıde tirkeýden shyǵarylǵan kólik ıeleri. Sońǵy 10 aıda jol qaýipsizdigi salasynda 109 myń ákimshilik quqyq buzýshylyq anyqtalyp, 1 mld teńge aıyppul salynǵan.
«Atalǵan buzýshylyqtardyń 11 252-in Reseı Federatsııasynda esepten shyǵarylǵan, biraq Qazaqstan Respýblıkasynda qoldanylatyn avtokólik júrgizýshileri jasaǵan. Aıyppul somasy 124 mıllıon teńgeden asty. Bul kólik ıeleri RF-ten esepten shyǵarylsa da Qazaqstanǵa esepke qoıýǵa asyǵar emes. Osyndaı kólik júrgizýshileriniń keıbiri quqyqtyq jaýapqa tartylmaıtynyn bilip, ádeıi birneshe ret ereje buzady», - dedi Pavlodar oblystyq polıtsııa departamenti bastyǵynyń birinshi orynbasary Jasqaırat Qaıyrov.
Avtory: Anton Gagarın