Pavlodarda Reseı azamaty 50 kg astam esirtkimen quryqtaldy

Bul týraly búgin Astanada ótken aptalyq brıfıngte QR ІІM-niń baspasóz qyzmetiniń bastyǵy Qýanyshbek Jumanov málim etti.

Qazirgi ýaqytta ustalǵan azamat qamaýǵa alynyp, onyń ústinen esirtki kontrabandasy faktisi boıynsha qylmystyq is qozǵaldy.

«Pavlodar oblysy ІІD-niń qyzmetkerleri Reseı Federatsııasynyń 28 jastaǵy azamatyn Severnoe aýylynda quryqtady. Tekserý kezinde odan satýǵa arnalǵan 50,5 kılogramǵa jýyq marıhýana alyndy», - dep atap kórsetti ol.

Q. Jumanovtyń aıtýynsha, jalpy apta ishinde elimizde 158 esirtki qylmysy, onyń ishinde 80 esirtki satý faktisi anyqtalǵan. 121 kılogramnan astam esirtki, onyń ishinde 8,5 kılogramm geroın tárkilengen.