Pavlodarda iri esirtki taratý arnasynyń joly kesildi
PAVLODAR. KAZINFORM — Polıtseıler jalpy salmaǵy 308 keliden asatyn, keptirilgen marıhýanany tárkiledi. Іri jasyryn qoıma garaj kooperatıvteriniń birinen anyqtalǵan.
Pavlodar oblysynda polıtsııanyń uıymdasqan qylmysqa qarsy kúres jónindegi jedel qyzmetkerleri aýqymdy arnaıy operatsııa júrgizgen. Nátıjesinde jalpy salmaǵy 308 keliden asatyn, keptirilgen marıhýana tárkilengen.
Jasyryn qoıma garaj kooperatıvteriniń birinen anyqtalyp otyr. Kúdikti jasyryn oryndy ózi kórsetken. Jedel qyzmetkerler tekserý barysynda sur-jasyl tústi ósimdik tektes zat salynǵan 13 qapty taýyp alǵan.
— Tárkilengen zat boıynsha qajetti saraptamalar taǵaıyndaldy, olardyń nátıjesi boıynsha protsessýaldyq sheshim qabyldanady. Esirtki quraldaryn zańsyz satyp alý, saqtaý jáne ótkizý deregi boıynsha qylmystyq is qozǵaldy. Kúdikti qamaýǵa alyndy, — deıdi Pavlodar oblysy polıtsııa departamenti uıymdasqan qylmysqa qarsy kúres basqarmasynyń bastyǵy Ǵabıt Qabdrahmanov.
Eske sala keteıik, byltyr Qostanaıda 214 adam esirtki qylmysy úshin sottalǵan.
