Pavlodarda iri esirtki arnasy joıyldy

ASTANA. KAZINFORM — Óńirde polıtseıler júrgizgen is-sharalar nátıjesinde iri esirtki arnasy joıyldy. Bul týraly Polisia.kz jazdy.

Vedomstvonyń málimetinshe, jergilikti turǵyn ustalǵan. Jeke tintý barysynda odan satýǵa daıyn shamamen 60 orama tabyldy. Kúdiktiniń páterin tintý kezinde polıtseıler sıntetıkalyq jáne psıhotroptyq zattardyń iri partııasyn anyqtady. 

Mamandardyń qorytyndysyna sáıkes, tárkilengen zat – 1,2 keli mefedron. Sondaı-aq tarazy, qaptama materıaldary jáne qylmystyq áreketti dáleldeıtin ózge de aıǵaqtar alynǵan. 

– Atalǵan fakti boıynsha qylmystyq is qozǵaldy. Kúdikti ýaqytsha ustaý ızolıatoryna qamaldy. Qazirgi ýaqytta qajetti tergeý amaldary júrgizilýde, onyń nátıjesi boıynsha protsessýaldyq sheshim qabyldanady. Polıtsııa qyzmetkerleri jetkizý tizbegin jáne yqtımal sybaılastardy anyqtaý úshin jedel-izdestirý jumystaryn jalǵastyryp jatyr, – dedi Pavlodar oblysy PD UQQB bastyǵynyn m.a. Dıas Qadyrov.

Eske sala keteıik, buǵan, deıin ShQO-da sıntetıkalyq esirtki óndiretin zerthananyń qyzmeti toqtatylǵan bolatyn.