Pavlodarda prokýratýra qoqysqa tastalǵan eltańbaǵa qatysty vıdeony tekserip jatyr
PAVLODAR. QazAqparat – Pavlodar oblysynyń prokýratýrasy qoqys polıgonyna laqtyrylǵan memlekettik rámizge qatysty oqıǵa boıynsha túsinikteme berdi, dep habarlaıdy QazAqparat tilshisi.
«Oblys prokýratýrasy beınerolıkte túsirilgen oqıǵaǵa qatysty qyzmettik tekserýdi júrgizýde. Sondaı-aq aqparatty esepke alý kitabynyń materıaly aıasynda polıtsııa tekserý sharalaryn bastady. Mán-jaılar anyqtalyp jatyr», - dep habarlady Pavlodar oblystyq prokýratýrasynda.
Internette Qazaqstannyń eski úlgidegi eltańbasy men Pavlodar oblysy Aqtoǵaı aýdany prokýratýrasy kireberisiniń taqtaıshasy qoqys polıgonynda jatqany túsirilgen vıdeo tarady. Bul – Aqtoǵaı aýylynyń oblys ortalyǵynan eki shaqyrym qashyqta ornalasqan polıgon.
«Memlekettik rámiz ol jerge qalaı tap bolǵan? Bul qadaǵalaýshy organny ózderi jasady ma, sony polıtsııa anyqtaýy kerek», - dep jazdy beınerolıkti túsirgen avtor.
Áleýmettik jelige taralǵan vıdeoda Aqtoǵaı aýdanynyń prokýratýrasyna kireberisindegi taqtaısha jáne qurylys qoqystarynyń arasynda jatqan eki eltańba túsirilgen.
«Atalǵan fakti tirkeldi. Tekserý sharalary júrgizilýde», - dep atap ótti Pavlodar oblystyq polıtsııa departamenti.
Avtory Anton Gagarın
