Pavlodarda poıyz qaǵyp ketken 22 jastaǵy jigit aýrýhanada kóz jumdy
PAVLODAR. KAZINFORM — Pavlodar qalasynyń temirjol vokzalynda poıyz basyp ketip, aıaǵynan aıyrylǵan 22 jastaǵy jigit segiz kúnnen keıin aýrýhanada qaıtys boldy.
2004 jyly týǵan azamat 30 qyrkúıek kúni Pavlodardaǵy Ǵ. Sultanov atyndaǵy oblystyq aýrýhanaǵa asa aýyr jaǵdaıda jetkizilgen.
Óńirlik densaýlyq saqtaý basqarmasynyń málimetinshe, naýqas aýyr jaraqat alyp, sol jaq aıaǵynan aıyrylǵan.
— Oǵan shuǵyl ota jasalyp, keıin birneshe ret hırýrgııalyq ota júrgizilgen. Sondaı-aq qarqyndy terapııa men reanımatsııalyq sharalar qabyldanǵan. Alaıda dárigerlerdiń kúsh-jigerine qaramastan, alǵan jaraqattarynyń aýyrlyǵynan jas jigit 8 qazanda kóz jumdy, — dep habarlady basqarmadan.
Oqıǵaǵa baılanysty polıtsııa qylmystyq is qozǵady. Qazirgi ýaqytta jaǵdaıdyń mán-jaıy anyqtalyp jatyr.
Eske salaıyq, Qaraǵandyda er adamdy júk poıyzy qaǵyp ketti.
