Pavlodarda polıtsııa zańsyz avtojarys uıymdastyrǵandardy anyqtady

ASTANA. KAZINFORM – Pavlodarda polıtsııa qyzmetkerleri túngi ýaqytta uıymdastyrylǵan zańsyz avtojarysty anyqtady, dep habarlaıdy Polisia.kz.

Qoǵamdyq tártip pen jol qaýipsizdigin qamtamasyz etý maqsatynda Ońtústik polıtsııa bóliminiń qyzmetkerleri reıd júrgizgen. Nátıjesinde, jas júrgizýshilerdiń túngi mezgilde jarys uıymdastyrýdy jıiletkeni belgili boldy.

Tártip saqshylarynyń aıtýynsha, alańdaǵan turǵyndardan «102» arnasyna jáne basqa da baılanys arnalary arqyly birneshe shaǵym túsken.

Máselen, bir azamat «áýejaı aýdany mańynda saǵat 22:00–den keıin jastar joǵary jyldamdyqpen jarysady» dep habarlaǵan.

Polıtsııa dereý atalǵan aýmaqqa baryp, jol qaýipsizdigin buzǵandardyń áreketin toqtatty. Olarǵa qatysty ákimshilik hattamalar toltyrylyp, tıisti sharalar qabyldandy.

Quqyq qorǵaý organdary turǵyndardy jol qozǵalysy erejelerin qatań saqtaýǵa, zańsyz avtojarystarǵa qatyspaýǵa jáne adam ómirine qaýip tóndiretin manevrler jasamaýǵa shaqyrady.

Aıta keteıik, Pavlodar-Qyzylorda jolynda júrgizýshi benzın toly tsısternaǵa qulap jan tapsyrdy.