Qatar Dohadaǵy shabýyldan keıin Gaza boıynsha kelissózdi toqtatty

ASTANA. KAZINFORM – Qatar Gaza sektoryndaǵy jaǵdaıdy retteý boıynsha kelissózdiń aǵymdaǵy raýndyn toqtatqanyn málimdedi, bul rette el anklavtaǵy jaǵdaıdy retteý úshin qoldan kelgenniń bárin jasaýyn jalǵastyrady, dep habarlaıdy Kazinform menshikti tilshisi. 

Bul kelissózde Qatar deldal rólin atqardy.

— Sońǵy kúnderi AQSh-tyń ótinishi boıynsha amerıkalyq taraptyń usynystary boıynsha qarqyndy kelissóz júrgizildi. Izraıl dlegatsııalaryn Dohaǵa jibere otyryp beıbit sheshimge qol jetkizýge baǵyttalǵan barlyq áreketterdi maqsatty túrde buzýǵa tyrysty. Álemge odan da anyq sıgnal kerek pe? Beıbitshilik jolyn kim bógep otyr? Álemdik qaýymdastyqqa qosymsha dálel kerek pe? Aımaqty shynymen turaqsyzdandyratyn kim? , — dep atap ótti Dohadaǵy baspasóz máslıhatynda eldiń úkimet basshysy, ámirliktiń syrtqy ister mınıstri sheıh Muhammed ben Ábdel Rahman Ál Tanı.

Qatar Syrtqy ister mınıstri sonymen birge Qatar memleketiniń atysty toqtatý kelissóziniń sátti ótýi úshin bar kúsh-jigerin salyp jatqanyn basa aıtty.

Eske salaıyq, 9 qyrkúıekte Izraıl Doha qalasyna áýeden soqqy jasady. 

Saldarynan Qatardyń ishki qaýipsizdik kúshteriniń qyzmetkeri qaza tapty. 

Izraıl Doha shabýyly úshin jaýapkershilikti tolyq óz moınyna aldy. 

Prezıdent Dohada Izraıl bıligi jasaǵan áskerı aktsııany aıyptaıdy.