Pavlodarda búıregin satpaq bolǵan sheteldik ustaldy
PAVLODAR. KAZINFORM – Uıymdasqan qylmysqa qarsy kúres basqarmasynyń qyzmetkerleri zańsyz áreketterdi toqtatty.
Shilde aıynyń ortasynda jedel qyzmetkerlerge kórshi memlekettiń azamatynyń búıregin satý týraly jedel aqparat túsken. Osy maqsatta sheteldik áıel Pavlodar qalasyna kelip, baǵa men sharttardy talqylap, satýǵa kelisim bergen.
— UQQKB qyzmetkerleri kúdiktini kelisilgen aqshanyń bir bóligin alý kezinde ustady. Atalǵan fakt boıynsha qylmystyq is qozǵaldy. Kúdikti qamaýǵa alyndy. Qajetti tergeý áreketteri júrgizilip jatyr, — dedi Pavlodar oblysy PD bastyǵynyń birinshi orynbasary Bolat Nurseıitov.
Spıker qoldanystaǵy zańnamaǵa sáıkes Qazaqstanda zańsyz transplantatsııalaýǵa, sondaı-aq adam aǵzalarynyń, músheleriniń, tinderiniń jáne tinderiniń bólikterin satý, satyp alýǵa tyıym salynǵanyn jáne ol úshin qylmystyq jaýapkershilikke tartylatynyn eske saldy.
— Polıtsııa azamattardy osyndaı faktilerge kýá bolǵan jaǵdaıda, «102» arnasyna nemese «police 102» mobıldi qosymsha arqyly habarlaýǵa shaqyrady. Anonımdilikke kepildik beriledi, — delingen habarlamada.
Aıta ketelik elimizde jyl basynan beri adam saýdasyna qatysty 285 qylmystyq is tirkelgen. Onyń 28-i kámelet jasyna tolmaǵan balalarǵa baılanysty.