Pavlodarda polıtseıler turǵynnan sıntetıkalyq esirtki men kannabıs maıyn tárkiledi

ASTANA. KAZINFORM — Pavlodar oblysynda jedel ýákilderge jergilikti turǵynnyń esirtki aınalymyna qatysy bar ekendigi jóninde jedel aqparat túsken.  

Jedel-izdestirý is-sharalary barysynda polıtsııa qyzmetkerleri er adamdy qala kósheleriniń birinde «jasyryn qoıyp ketken» kezde ustady. 

Kýágerlerdiń qatysýymen júrgizilgen jeke tintý kezinde er adamnan ishine aq tústi zat salynǵan 12 polımerli qaptama tabylyp, tárkilendi.

Saraptama nátıjesinde bul zattyń jalpy salmaǵy 7 gramm bolatyn sıntetıkalyq esirtki ekeni anyqtaldy.

— Turǵylyqty jeri boıynsha júrgizilgen tintý kezinde jalpy salmaǵy 3 gramnan asatyn kannabıs maıy bar áınek kolbalar tabylyp, alynǵan. Esirtki zattaryn satý maqsatynda zańsyz daıyndaý, óńdeý jáne óndirý faktisi boıynsha qylmystyq is qozǵaldy. Kúdikti qamaýǵa alyndy, — dep habarlady Pavlodar oblysy PD bastyǵynyń birinshi orynbasary Bolat Nurseıitov.

Aıta ketelik Jambyl oblysynda esirtki tasymaldaǵan eki kúdikti ustaldy.