Pavlodarda polıpropılen saqtaıtyn qoıma órtenip jatyr, 3 adam zardap shekti (FOTO)
ASTANA. QazAqparat - Pavlodarda Soltústik ónerkásiptik aımaqta ornalasqan «Kompanııa Neftehım LTD» kásipornynyń polıpropılen shyǵaratyn tsehy otqa orandy.
«Polıpropılen (untaq túrindegi) saqtalatyn qoımanyń órtengeni jaıly sýyt habar búgin saǵat 18:45-te tústi. Aldyn ala derekterge qaraǵanda, jalyn sharpyǵan aýmaq 200 sharshy metrdi quraıdy. Qazirgi shaqta tilsiz jaýdy aýyzdyqtaýǵa TJD «Órt sóndiretin jáne apattyq-qutqarý jumystary» MB jeke quramynyń 30 adamy men 10 tehnıkasy jumyldyryldy»,-dep habarlady ІІM Tótenshe jaǵdaılar komıtetiniń resmı ókili Rýslan Imanqulov.
Onyń aıtýynsha, órt sóndirýshiler otqa oranǵan ǵımarattan zardap shekken 3 adamdy alyp shyqqan. Olar aýrýhanaǵa jetkizildi.
