Pavlodarda polıetılen paketke salynǵan shaqalaq tabyldy
PAVLODAR. QazAqparat - Pavlodar qalasynyń kóshesinen polıetılen paketke oralǵan shaqalaqtyń denesi tabyldy. Onyń tiri nemese óli týǵandyǵyn arnaıy saraptama qorytyndysy anyqtaıtyn bolady, dep habarlaıdy QazAqparat.
Qalanyń negizgi kósheleriniń biriniń aýlasynan tabylǵan shaqalaqqa jasalatyn saraptama qorytyndysy bir aıdan keıin daıyn bolady. 1 Maıa kóshesindegi turǵyn úıdiń kireberisinde jatqan sharanany aýla sypyrýshy alǵashqylardyń biri bolyp baıqap, polıtsııaǵa habar bergen.
«Qazirgi ýaqytta osy fakt boıynsha arnaıy saraptaý taǵaıyndaldy. Saraptama qorytyndysy boıynsha protsessýaldyq sheshim shyǵarylady. Sharananyń anasyn anyqtaý jumystary da júrgizilip jatyr. Protsessýaldyq sheshim sot-saraptamalyq qorytyndy jasalǵannan keıin qabyldanatyn bolady»,- dedi Pavlodar oblysy ІІD-niń baspasóz hatshysy Baıan Maǵzumova.
B.Maǵzumovanyń sózine qaraǵanda, eger saraptama qorytyndysy boıynsha shaqalaq aı-kúnine jetip týyp jáne týǵan kezde tiri bolǵan bolsa, onda onyń anasy adam óltirý faktisi boıynsha jaýapkershilikke tartylady. Al eger shaqalaq óli týǵandyǵy anyqtalsa kókek ananyń jaýapkershiligi týraly másele kóteriledi. Bir sózben aıtqanda barlyǵy saraptama qorytyndysyna baılanysty bolmaq.
Shaqalaqtyń denesi tabylǵan aýmaqta jedel izdeý sharasy júrgizilip, polıtsııa qyzmetkerleri júktilik boıynsha esepte turǵan analardyń derekterin tekserýden ótkizýde.
ІІD málimetine qaraǵanda, óli tabylǵan sharana shamamen 4-5 aılyq. Jergilikti aýla turǵyndary shaqalaqty aýlaǵa basqa jaqtan alyp kelýi múmkin ekendigin alǵa tartyp otyr.
