Pavlodarda polıtsııanyń máıiti tabyldy
ASTANA. QazAqparat - Pavlodardaǵy páterlerdiń birinen polıtsııa qyzmetkeriniń máıiti tabyldy, dep habarlaıdy «QazAqparat» HAA tilshisi.
«Tabylǵan er adamnyń máıitine baılanysty QR QK 105-babynyń 1-bóligi «Jábirlenýshini qorqytý, oǵan qatygezdikpen qaraý nemese onyń adamı qadir-qasıetin únemi qorlaý arqyly adamdy ózin-ózi óltirýge deıin nemese ózin-ózi óltirýge barýǵa deıin jetkizý» boıynsha sotqa deıingi tekserý jumystary bastaldy. Mundaı bap ózin-ózi óltirý yqtımal adamdardyń barlyǵyna qozǵalady», - deıdi jergilikti ІІD baspasóz hatshysy Baıan Maǵzumova.
Onyń aıtýynsha oqıǵanyń sebepteri anyqtalý ústinde. Kóz jumǵan er adam 2013 jyldan beri polıtsııa sapynda aǵa serjant qyzmetinde bolǵan.
«Polıtsııa qyzmetkeriniń neden ólgenin saraptama jumystary bir aıdyń ishinde anyqtaıdy»,-dedi baspasóz hatshysy.
