Pavlodarda polıtsııa óndiristik aımaqta atysqandardyń birin anyqtady
PAVLODAR. QazAqparat - Pavlodarda óndiristik aımaqtaǵy oqys oqıǵaǵa baılanysty óte az aqparatqa ıe bolǵan tergeýshiler sondaǵy atys kezinde jaraqattanǵan qatysýshyny anyqtady, dep habarlaıdy «QazAqparat» HAA tilshisi.
«Zardap shegýshi kóp nárse túsindirgen joq, biraq ony 6 qańtarda «Kastıng» zaýytynyń mańynda atqany belgili boldy. Tergeýshilerdiń ázirge aqparaty az, - dep málimdedi Pavlodar oblystyq ishki ister departamentiniń baspasóz hatshysy Baıan Maǵzumova. - Oq atqan kúdikti anyqtaldy, biraq áli ustalǵan joq. Zardap shegýshi men oq atýshynyń arasynda janjal bolǵan sııaqty».
B. Maǵzumovanyń aıtýynsha, zardap shegýshi jumyssyz azamat. Qazir «adam óltirýge» oqtalý baby boıynsha qylmystyq is qozǵaldy.
