Pavlodarda polıtsııa kóligi aýdaryldy
PAVLODAR. QazAqparat - Pavlodar qalasynda Korolenko men Roza Lıýksembýrg kósheleriniń qıylysynda jol apaty saldarynan polıtseı kóligi aýdarylyp qaldy, dep habarlaıdy pavlodarnews.kz .
Atalmysh oqıǵa oryn alǵan vıdeony agenttikke kýágerler jibergen. Vıdeoda qyzmettik kóliktiń aýdarylǵany kórinip tur.
Oqıǵanyń fotolary Instagram jelisindegi @news_pvl paraqshasynda da jarııalanǵan. Qaı avtokóliktiń kináli jáne qansha adamnyń jaraqat alǵany týraly aqparat ázirge belgisiz. Áleýmettik jelide pikir qaldyrǵan qalalyqtar jol-kólik oqıǵasynyń «joldy berý» belgisiniń joqtyǵy saldarynan oryn alǵanyn alǵa tartady.
