Pavlodarda polıtsııa aıyppul tóleý men júrgizýshi kýáligin qalpyna keltirýge kómektesýda
PAVLODAR. QazAqparat - Pavlodar oblysynda polıtseıler «Joldaǵy qabyldaý» sharasyn ótkizip jatyr, dep habarlaıdy QazAqparat.
«33 jastaǵy pavlodarlyq Nıkolaı tańerteń «Batyr moll» saýda ortalyǵyna bara jatyp, «Joldaǵy qabyldaý» sharasyn ótkizip jatqan polıtseılerdi kóredi. Jaqyn kelip, óziniń atynda tólenbegen aıyppuly bar ekenin bildi. Oǵan on mınýt ishinde aıyppuldy tóleýge múmkindik berildi. Ol aıyppulyn tólep tastady. Nıkolaı kóńildi, óıtkeni taıaýda ol otbasymen demalys ótkizýge ushyp ketýi tıis eken. Endi oǵan kedergi joq», dep habarlaıdy Pavlodar oblysy polıtsııa departamentiniń baspasóz qyzmeti.
«Joldaǵy qabyldaý» sharasyn ótkizgen bir saǵattyń ishinde oblystyq polıtsııa departamentiniń bastyǵy Amantaı Áýbákirov vedomstvoda alty adamdy shaǵymy boıynsha qabyldady. Suraqtar jol jáne qoǵam qaýipsizdigine, ákimshilik aıyppul men kóshi-qon zańnamasyna qatysty boldy.
Eń aldymen qabyldaýǵa Baqtııar Baıahmetov keldi.
«Men júrgizýshi kýáligin 1987 jyly aldym. Qolymda júrgizýshi kartasy bar, alaıda kýálikti joǵaltyp aldym. Kýálikti qalpyna qalaı keltirý kerek, qandaı qujattar talap etiledi? Emtıhan tapsyrý kerek pe?» - dedi Baqtııar.
«Telnusqany alý úshin mamandandyrylǵan HQO-ǵa bar kerek, ózimen 083 nusqadaǵy medıtsına anyqtamasy, oblystyq narkologııalyq dıspanser men psıhonevrologııalyq dıspanser anyqtamasyn aparý kerek, sosyn memlekettik baj salyǵyn tóleısiz. Emtıhan tapsyrý qajet emes», - dedi A.Áýbákirov.
«Joldaǵy qabyldaý» sharasynan keıin basshy Ákimshilik polıtsııa basqarmasynyń bastyǵy Dýlat Tókenovke tapsyrma berdi. Baqtııar mamandandyrylǵan HQO-ǵa baryp on mınýt ishinde jańa kýálik aldy, dep málim etti departamenttegiler.
Avtory Anton Gagarın
