Pavlodarda polıtseı eki balanyń anasyn sýıtsıdten aman alyp qaldy
PAVLODAR. QazAqparat – Jas áıel kúıeýimen ursysyp qalǵannan keıin kópirden sekirmek bolǵan, dep habarlaıdy QazAqparat.
«25 jeltoqsan kúni, 02.15-te «Ertis» BÓP patrýldik rota ınspektory, aǵa leıtenant Arman Jumalınovtyń nazary kópirde turǵan avtokólikke túsken. Jaqyndaı túsken ol sýǵa sekirmek bolyp, kópirdiń shetinde turǵan qyzdy kórgen», - dep habarlady Pavlodar oblystyq polıtsııa departamentiniń baspasóz qyzmeti. Ýaqyt joǵaltpaǵan Arman jylap turǵan qyzdy ustap, kólikke otyrǵyzǵan.
«Qyzdyń kóńil-kúıi bolmaǵan. Onyń mundaı aǵat qadamǵa barýyna kúıeýimen ursysyp qalýy sebep bolypty», - dedi polıtsııadaǵylar.
Sonymen qatar, olar qutqarylǵan 28 jastaǵy azamatsha 2 balanyń anasy ekenin málim etti.
«Men jyldam áreket ettim, oılanýǵa ýaqytym bolmady. Ár adam osylaı ister edi», - deıdi Arman Jumalınov.
Pavlodar polıtseıleri osy kópirde ómirin qıǵysy kelgen adamdardy birneshe ret qutqaryp qalǵanyn atap ótti.
