Pavlodarda páterlerdi jalǵa berip júrgen alaıaqtyń qupııasy ashyldy
PAVLODAR. QazAqparat - Pavlodar polıtseıleri 30 jastaǵy páter alaıaǵynyń shemasyn ashty, dep habarlady «QazAqparat» HAA tilshisi Pavlodar oblysy ІІD baspasóz qyzmetine silteme jasap.
«Jeńil aqsha» qýǵan ol mynadaı shemamen áreket etken: ınternette páter tapsyratyny týraly jarnama ornalastyrǵan, sodan keıin áleýetti jalǵa berýshi retinde, páterlerdi qarap, jaǵdaıǵa kelisip, kepilaqy alǵan. Kelesi kúni áıel páter jaldaýshylarǵa qazir páterdi tapsyra almaıtynyn aıtyp, biraz ýaqyt kúte turý ótinishimen qońyraý shalady. Jábirlenýshilerdiń birneshe ret qońyraý shalǵanyn elemegen ol biraz ýaqyttan soń páterdi jalǵa bere almaıtynyn habarlaǵan.
Yzalanǵan páter jaldaýshylar aqshany qaıtarýdy talap etken, ol qazir qaıtara almaıtynyn, jaqynda beremin de ýáde berip, aqyr sońy abonenttik nómirin aýystyryp jibergen.
Sonymen 23 jastaǵy boıjetkendi 160 000-ǵa aldap ketken. Áıelge osyndaı úsh qylmys jasady degen kúdik taǵylýda.
Sot aldy tergeý júrip jatyr. Polıtseıler kúdiktiniń basqa osyndaı qylmystarǵa qatystylyǵynyń bar-joǵyn tekserýde.
