Pavlodarda páter tonaýshyny ustaǵan taksı júrgizýshisi marapattaldy
PAVLODAR. QazAqparat - Pavlodar oblystyq Іshki ister departamentiniń bastyǵy Marat Qojaev taksı júrgizýshisi Qýanysh Quljıkenovke alǵys hat pen qarjylaı syıaqy tabystady, dep habarlaıdy «QazAqparat» HAA tilshisi.
Pavlodar oblysynyń bas polıtseıi páter tonaýshyny tutqyndaý barysynda tanytqan erligi men batyldyǵy úshin Quljıkenovke alǵys aıtty, dep habarlaıdy ІІD baspasóz qyzmeti.
Eske sala keteıik, úı ıeleriniń joqtyǵyn paıdalanǵan urlyqshy terezeni syndyryp, ishke kirip, tórt jarym mıllıon teńgege jýyq jeke zattardy tonaǵan. 28 jastaǵy kúdikti izin sýytpaq bolǵanda, joldan ótip bara jatqan taksı júrgizýshisi ony ustap alady. Urlanǵan zattar ıelerine qaıtarylyp, qylmysker jaýapqa tartyldy.
Pavlodar polıtseıleriniń aqparaty boıynsha, Qýanysh Quljıkenov Pavlodardaǵy aktsıonerlik qoǵamnyń birinde jumys jasaıdy, taksoparktegi jumys - onyń qosymsha tabys kózi.
