Pavlodarda páter órtenip, 75 adam qaýipsiz jerge kóshirildi
ASTANA. QazAqparat - Pavlodarda páter órtenip, 3 adam ıis tıip ýlanyp qaldy, dep habarlaıdy QazAqparat Pavlodar oblystyq Tótenshe jaǵdaılar departamentine silteme jasap.
Departament taratqan málimetterge qaraǵanda, 1 qańtar kúni saǵat 02-11-de órtke qarsy qyzmetke Pavlodar qalasynyń Ledovskıı kóshesinde on qabatty úıden órt shyqqany týraly habar túsken. Órt úıdiń birinshi qabatynan shyqqan, jalyn 12 sharshy metr aýmaqty sharpyǵan. Órt saǵat 02-43-te aýyzdyqtalyp, 03-30-da tolyqtaı sóndirildi.
Órtke qarsy qyzmet ókilderi 75 adamdy qaýipsiz jerge kóshirip, 3 adamnyń ómirin saqtap qaldy. Órttiń saldarynan 1952, 1976 jáne 2011 jyly týǵan úsh adam ıis tıip, aýrýhanaǵa jetkizildi. 2011 jyly týǵan qyz aýrýhanaǵa bara jatyp, jolda kóz jumdy.
Osy ýaqytta órttiń shyǵý sebebi anyqtalý ústinde. Oqıǵa ornyna Pavlodar oblystyq Tótenshe jaǵdaılar departamentinyń 25 qyzmetkeri men 6 tehnıka tartyldy.
