Pavlodarda para alǵan ákimdik qyzmetkerine qatysty úkim shyqty
Pavlodar qalasynyń № 2 sotynda qalalyq jer qatynastary bóliminiń bas mamanyna qatysty qylmystyq is qaraldy.
Ol tamyz aıynda Pavlodar kósheleriniń birinde ornalasqan turaqtyń qasynda turǵynnan para alǵan. Іs materıaldary boıynsha para bergen adam óziniń anasyna ákimshilik is boıynsha aıyppuldyń ornyna eskertý túrindegi ákimshilik jazaǵa aýystyrý maqsatynda sheneýnikke 50 myń teńge kólemindegi aqshalaı para bergen.
Qylmystyq is sotqa deıingi jedeldetilgen tergep-tekserý tártibinde qaraldy. Prokýror memlekettik qyzmetshige paranyń jıyrma eselengen somasynda, ıaǵnı bir mıllıon teńge aıyppul salýdy surady.
Sotta sheneýnik óz kinásin moıyndap, bas bostandyǵynan aıyrýmen baılanysty emes jaza taǵaıyndaýdy suraǵan.
«Sot jazany jeńildetetin jáne aýyrlatatyn mán-jaılardy jáne aıyptalýshynyń óz kinásin tolyq moıyndaǵanyn eskere otyryp, er adamǵa qatysty memlekettik qyzmette laýazymdardy atqarý quqyǵynan ómir boıyna aıyrý jáne paranyń jıyrma eselengen somasy mólsherinde, ıaǵnı 1 000 000 teńge aıyppul retindegi jaza taǵaıyndaldy»,– dedi Pavlodar qalasy № 2 sotynyń baspasóz qyzmetinde.
Úkim zańdy kúshine engen joq.
