Pavlodarda pandemııaǵa qarsy is-sharalarǵa atsalysyp júrgen medqyzmetkerler syıaqy alady
PAVLODAR. QazAqparat - Eki apta boıy kúsheıtilgen rejımde jumys istegen 500-ge jýyq medıtsına qyzmetkeri Naýryz meıramyna deıin syıaqy alady, dep habarlaıdy QazAqparat oblys ákiminiń baspasóz qyzmetine silteme jasap.
Elimizdiń Prezıdenti Qasym-Jomart Toqaev búgingi tańda epıdemıologııalyq tártipti saqtaýǵa atsalysyp júrgen medıtsına qyzmetkerlerin materıaldyq túrde yntalandyrýdy tapsyrdy.
«Koronavırýsqa qarsy ótkiziletin is-sharalarǵa tikeleı qatysyp júrgen mamandarǵa syıaqy berý úshin oblys ákimdiginiń rezervinen 91,2 mıllıon teńgeden astam qarajat bólindi. 490 medıtsına qyzmetkerine syıaqy beriletin boldy» delingen habarlamada.
Oblystyq ákimdikte ótken apparattyq keńes barysynda óńir basshysy Ábilqaıyr Sqaqov medıtsına qyzmetkerleriniń eńbek jaǵdaıyna nazar aýdardy.
Ol jergilikti jerlerde medıtsınalyq qyzmetkerlerge barynsha kómek kórsetýdi, olardyń qalypty demalýyna jaǵdaı jasaýdy jáne olardyń fızıkalyq jáne psıhologııalyq jaǵdaıyn baqylaýdy talap etti.
