Pavlodarda ózin-ózi tapanshamen atqan jas polıtseı esin jımastan qaıtys boldy

PAVLODAR. KAZINFORM - Pavlodar qalasynyń №1 aýrýhanasy 2002 jyly týǵan jas jigittiń qaıtys bolǵanyn naqtylady. Ol ózin-ózi tabeldik tapanshamen atyp, jaraqattaǵan bolatyn.

Pavlodar oblysynyń Ertis aýdanynda jas polıtseı ózin-ózi tabeldik tapanshamen aýyr jaraqattaǵanyn, jedel járdem ony jansaqtaý bólimine jetkizgeni týraly buǵan deıin habarlaǵan edik. 

Ókinishke qaraı, Pavlodar qalasynyń №1 aýrýhanasynyń dárigerleri 2002 jylǵy týǵan jigittiń ómirine arasha túse almady. Er adam esin jımastan jansaqtaý bóliminde kóz jumǵan. Bul aqparatty aýrýhana basshylyǵy naqtylady. Óńirlik Polıtsııa departamentiniń baspasóz qyzmeti qazirgi ýaqytta atalǵan fakti boıynsha tergeý júrgizilip jatqanyn aıtty.

«Atalǵan oqıǵa boıynsha tergeý júrgizilip jatyr. Іstiń mán-jaıy men sebebi anyqtalady. Qazirgi ýaqytta polıtsııa qyzmetkeri jansaqtaý bóliminde», - dep habarlady Polıtsııa departamenti bastyǵynyń orynbasary Safýan Jampeıisov.

Eske sala keteıik, Pavlodarda balkonnan sekireıin dep turǵan qarııany polıtseıler qutqaryp qaldy.