Pavlodarda ózen jaǵasynan granata tabyldy
PAVLODAR. QazAqparat - Polıtsııa qyzmetkerleri aýmaqty qorshaýǵa alyp, adamdar evakýatsııalandy, dep habarlaıdy Pavlodarnews.kz.
«14 cáýirde saǵat 19:30 shamasynda polıtsııaǵa Ýsolka ózeninen granataǵa uqsas zattyń tabylǵany týraly qońyraý tústi. Oqıǵa ornyna Pavlodar oblysy PD jarý-tehnıkalyq tobynyń qyzmetkerleri departamenttiń kınologııalyq qyzmetiniń qyzmetkerlerimen birge keldi. Tekserýden keıin granata arnaıy kapsýlaǵa ornalastyryldy, - dedi oblystyq polıtsııa departamentiniń baspasóz qyzmetinde.
Polıtsııa qyzmetkerleri qala turǵyny bul zatty balyq aýlaý kezinde taýyp alǵanyn anyqtady. Atalmysh fakt tirkelip, saraptama taǵaıyndaldy. Tekserý júrgiziledi. Tabylǵan zat qaýip tóndirmeıdi.