Pavlodarda ótip jatqan VII qysqy Ýnıversıadada qostanaılyqtar jeńis tuǵyryna kóterildi
PAVLODAR. QazAqparat - Pavlodar qalasynda ótip jatqan VII qysqy Ýnıversıadada erler arasynda gir kóterý sportynan elimizdegi joǵary oqý oryndarynan 12 komanda sapynda 69 sportshy jarys kórigin qyzdyrdy, dep habarlaıdy pavlodarnews.kz.
Asa tartysty bul synda jalpy komandalyq esepte Qostanaı memlekettik pedagogıkalyq ınstıtýty stýdentteri 255 upaı jıyntyǵymen jeńis tuǵyryna kóterildi. Ekinshi oryndy 172 upaı jınaǵan Jáńgir han atyndaǵy Batys Qazaqstan aýylsharýashylyq - tehnıkalyq ýnıversıtetiniń sportshylary ıelendi. Úshinshi oryndy 140 upaımen ál-Farabı atyndaǵy Qazaq Ulttyq ýnıversıteti sportshylary enshiledi.
Sondaı-aq bul synda óz salmaq dárejesi boıynsha Nıkolaı Mışenkov (QMPI), Dmıtrıı Boger (KGPI), Anton Tsýrkan (AMPI), Oleg Sysolıatın (KGPI), Sergeı Týrmın (KGPI), Ilıa Kangash (KGPI), Ramazan Zeıdalıev (ShQMÝ) Ýnıversıada chempıony atandy. Jarysty QR BǴM Ulttyq ǵylymı-praktıkalyq dene tárbıesi ortalyǵy uıymdastyrýda. Jeńimpazdar men júldegerler Ýnıversıada dıplomdarymen, medalmen jáne kýbokpen marapattaldy.
