Pavlodarda ótip jatqan bokstan Azııa chempıonatyna 18 eldiń sportshylary qatysýda
ASTANA. QazAqparat - Pavlodarda bokstan mamyr aıynyń ekisi kúni bastalǵan Azııa chempıonatynda 18 eldiń sportshylary jarysqa tústi, dep habarlaıdy pavlodarnerws.kz.
10 salmaq dárejesi boıynsha 115 boksshy qatysqan báseke 8 mamyrda aıaqtalady. Jarysqa eki dúrkin Eýropa chempıony, Olımpııada oıyndarynyń kúmis júldegeri, AIBA vıtse-prezıdenti jáne Azııa boks konfederatsııasynyń prezıdenti Serik Qonaqbaev pen Olımpıada chempıony Ermahan Ybyraıymov mártebeli meıman retinde qatysýda.
Bokstan Qazaqstan jastar quramasynyń aǵa bapkeri Ǵalym Kenjebaevtyń aıtýynsha, qazaqstandyq jigitterdiń daıyndyǵy jaqsy. Basty maqsat - komandalyq esepte top jarý. «Azııa óńirinde boks jaqsy damyǵan. Ózbekstan, Úndistan, Qytaı, Japonııa, Taıland, Koreıa, Mońǵolııa, Iordanııa, Irak, Iran, Sırııa sportshylary osaldyq tanytpasy belgili. Ásirese, Azııada jeńil salmaq dárejesinde básekelestik joǵary. Sondyqtan týrnır tartysty órileri daýsyz. Qazaq jigitterine baryn salyp judyryqtasý kerek», - dedi Ǵ.Kenjebaev.
Aıta keterligi, buǵan deıin baıraqty básekeni Iran, Fılıppın elderi jáne Taıland pen Bangkok birigip qabyldady. Bul týrnır elimizde alǵash ret uıymdastyrylyp otyr. Jarys AIBA erejelerine sáıkes, ıaǵnı Olımpıadalyq júıe boıynsha ótkiziledi. Jeńilgen sportshy jarystan shyǵyp otyrady. Boksshylarǵa úsh mınýttan úsh raýnd beriledi. Atap óterligi, jastar basyna qorǵanys shlemin kıip judyryqtasady. Týrnırdiń bas tóreshisi sırııalyq Muhammed Kamel Shbıb.
