Pavlodarda ótetin forýmda oblys ekologııasyn jaqsartýǵa arnalǵan jobalarǵa ınvestorlar tartý máselesi qaralady
ASTANA. QazAqparat - Pavlodarda 2 qarashada «Irtysh Invest 2016» halyqaralyq ınvestıtsııalyq forýmy ótedi, dep habarlaıdy oblys ákiminiń baspasóz qyzmeti.
Forýmǵa Pavlodar oblysynyń, Qazaqstannyń jáne sheteldiń bıznes-qaýymdastyqtary, ortalyq jáne jergilikti memlekettik organdardyń, damý ınstıtýttarynyń, ulttyq kompanııalardyń,júıe qurýshy kásiporyndardyń ókilderi, Reseı Federatsııasynyń shekaralas aımaqtarynyń resmı ókilderi, sheteldik dıplomattyq ókilder, sheteldik bankter men kompanııalar qatysady.
Forým ınvestıtsııalardy qajet etetin jobalar kórmesinen bastalady. Ekspozıtsııa forýmnyń sońyna deıin jumys isteıtin bolady. Atap ótetini, bıylǵy jyly pavlodarlyq joǵary oqý oryndary stýdentteriniń sony jobalary bólek tanystyrylatyn bolady.
Basqosýǵa jınalǵandar tústen keıin Investıtsııalardy tartý jónindegi keńestiń otyrysyna qatysady, onda oblys ekologııasyn jaqsartýǵa arnalǵan jobalarǵa ınvestorlar tartý máselesi qaralady.
Forýmnyń kelesi kúni áleýetti ınvestorlar úshin ashyq esik kúni uıymdastyrylady. Pavlodar oblysyna ınvestıtsııa quıýǵa ázir bıznesmender aımaq basshysy Bolat Baqaýovqa suraqtaryn qoıa alady.
