Pavlodarda ósimdik sharýashylyǵyna 1,3 mlrd teńge sýbsıdııa bólinýi múmkin

NUR-SULTAN. QazAqparat – Bıyl Pavlodar obylysynda ósimdik sharýashylyǵyn damytýǵa 1,3 mlrd teńge sýbsıdııa bólý josparlanyp otyr, dep habarlaıdy QazAqparat tilshisi.

«Óńir ákimdigi aǵymdaǵy jyly basymdyq beriletin daqyldar tizimin aıqyndap, qaýlyny ashyq talqylaýǵa shyǵardy. Bıyl aımaq sharaýlary kúnbaǵys pen qaraqumyqqa basymdyq beredi. Sonymen qatar ósimdik sharýashylyǵy men sapasyn arttyrýǵa baǵyttalatyn bıýdjet kólemin 1 mlrd 328 myń teńge kóleminde belgileýdi usynamyz», - delingen ákimdik qaýlysynda.

Eske sala keteıik, buǵan deıin Pavlodar oblysynyń ákimi sút óndirý kólemin arttyrý úshin 8 ferma salynatynyn aıtqan bolatyn.