Pavlodarda eki kún buryn joǵalyp ketken kásipkerdiń máıiti tabyldy
PAVLODAR. KAZINFORM - Er adamdy izdeýge polıtsııa men áskerıler jumyldyrylǵan. Polıtsııa kisi óltirý baby boıynsha qylmystyq is qozǵady.
Vita izdestirý jasaǵynyń eriktileri habarlaǵandaı, Asýlan Nurmaǵambetovke 21 aqpan kúni izdeý salynǵan. Kásipker sol kúni Pavlodar qalasy, Jeńis alańy kóshesinde ornalasqan óz úıiniń aýlasynan Toyota markaly kólikpen shyǵyp, joǵalyp ketken. Er adamnyń jeke kásibi bolǵan, ári sol kúni óziniń bıznes seriktesimen kezdesý josparlanǵan. Asulan Nurmaǵambetovti izdeýge polıtsııa men áskerıler, eriktiler jasaǵy jumyldyrylǵan.
- Іzdestirý is-sharalary barysynda polıtsııa qyzmetkerleri buryn joǵalyp ketken qala turǵynynyń múrdesin tapty. Kisi óltirý baby boıynsha qylmystyq is qozǵaldy. Qylmysqa qatysy bar adamdy anyqtaý jáne ustaý boıynsha jedel-izdestirý is-sharalary júrgizilýde,-dep habarlady Pavlodar oblysy polıtsııa departamentiniń baspasóz qyzmetinen.
Oqıǵanyń mán-jaıy men sebepteri tergeý barysynda anyqtalatyn bolady.
Eske sala keteıik, jol apatyn jasap, kisi ólimine sebepker bolǵan ІІM kúzet basqarmasynyń burynǵy bastyǵy sottaldy.