Pavlodarda órtengen úıden 58 jastaǵy áıeldiń denesi tabyldy
PAVLODAR. QazAqparat - Pavlodar oblysynda órt shyqqan úıden 58 jastaǵy áıeldiń denesi tabyldy, dep habarlaıdy QazAqparat tilshisi.
22 qazan kúni 10.37 kezinde 101 pýltine Kostyletskıı, 32 mekenjaıyndaǵy jer úı órtenip jatqany jaıly habar túsken.
Bes bólmeli kirpish úıdiń ishinde aǵash konstrýktsııa janyp, opyrylyp, úıdegi 120 sharsh metr aýmaqta turmystyq zattar, tehnıka, jıhaz otqa oranǵan.
Oqıǵa ornyna jedel jetken №1 mamandandyrylǵan órt sóndirý bóliminiń qyzmetkerleri eń áýeli 1960 jyly týǵan úı ıesin syrtqa shyǵarǵan.
Oǵan apattyq medıtsına brıgadasynyń dárigerleri alǵashqy medıtsıtsnalyq kómek kórsetti. Úı ıesi aýrýhanaǵa jatýdan bas tartty.
Órt sóndirýshiler asúıden denesiniń birshama bóligin kúıik shalǵan 1963 jyly týǵan áıeldiń denesin tapty.
Qyzyl jalyn búgin saǵat 11.54 shamasynda tolyq sóndirildi. Tilsiz jaýdyń sebebi - elektr symynyń qysqa tuıyqtalýy. Kelgen shyǵyn eseptelip jatyr.
Oqıǵa ornynda jeke quramnan 23 adam jáne 7 tehnıka jumys istedi.
