Pavlodarda órtengen shóptiń tútininen birneshe kólik apatqa ushyrady
ASTANA. QazAqparat - Pavlodarǵa irgeles ornalasqan Lenın kentiniń tas jolynyń boıynda qurǵaq shóp órtendi, dep habarlaıdy pavlodarnews.kz.
Instagram áleýmettik jelisindegi kolesa_pavlodara paraqshasynda qoldanýshylar jol boıyndaǵy qatty tútinniń saldarynan birneshe kóliktiń jol apatyna ushyraǵandy týraly pikir jazýda.
Oblystyq TJD baspasóz qyzmetiniń habarlaýynsha, turǵyndardyń otty abaısyz qoldanýy oqys jaǵdaıdyń oryn alýyna sebep bolǵan.
«Ártúrli úsh aýmaqta keýip turǵan shóp pen qamys janǵan. Birinshi jáne ekinshi ýchaskeniń árqaısysynda toǵyz gektardan, úshinshi ýchaskede tórt gektar qyzyl jalynnyń astynda qaldy. Zardap shekkender joq. Shyǵyn kelgen joq», - dedi baspasóz qyzmetinde.
Tilsiz jaý saǵat 17.04-te aýyzdyqtalyp, saǵat 18.35-te tolyǵymen sóndirilgen. Oqıǵa ornynda jeke quramnan úsh tehnıka men on eki adam jumys istegen.
