Pavlodarda órtengen páterden on adam qutqaryldy
PAVLODAR. QazAqparat - Pavlodarlyq órt sóndirýshiler bir bólmeli páterde tutanǵan órtti sóndirip, on adamdy qutqardy, dep habarlaıdy QazAqparat tilshisi.
Pavlodar oblystyq tótenshe jaǵdaılar departamenti ókilderiniń aıtýynsha, kezekshi aýysym aǵa ınjeneriniń mindetin atqarýshy azamattyq qorǵanys serjanty Mıras Gross órt sóndirýshilerdiń kómegimen on adamdy baspaldaq arqyly aman alyp shyqqan.
Toraıǵyrov kóshesindegi 32-úıde tutanǵan órt týraly habar Pavlodar qalasynyń №1 órt sóndirý bólimshesine 32 shilde kúni 23:39-da kelgen.
Toǵyz qabatty turǵyn úıdiń birinshi qabatyndaǵy bir bólmeli páterde órt tutanyp, úı jıhazdary, buıymdar, aǵash qurylymdar janyp, úıdiń kireberisi qoıý qara tútinge oranǵan.
«Shuǵyl qımyldaǵan órt sóndirýshiler on mınýttyń ishinde órtti aýyzdyqtady. Turǵyndardyń eshbirine medıtsınalyq kómek qajet bolǵan joq», - dep málimdedi TJD ókilderi.
