Pavlodarda órtengen ǵımarattan adamnyń múrdesi tabyldy

PAVLODAR. KAZINFORM — Pavlodarda órt sóndirýshiler janǵan ǵımarattan adamnyń múrdesin tapty. Buǵan qosa qutqarýshylar ǵımarattan eki gaz ballonyn alyp shyqqan.

Pavlodar qalasynda Bekmahanov kóshesinde ornalasqan jeke ǵımarat janyp, ishinen bir adamnyń múrdesi tabyldy. Bul týraly óńirlik tótenshe jaǵdaılar departamentinen habarlady.

«Bekmahanov kóshesinde órt shyqqany týraly habarlama tústi. Oqıǵa ornyna dereý shyqqan órt sóndirýshiler jeke turǵan ǵımarattyń janyp jatqanyn anyqtaǵan. Órtti joıý barysynda qutqarýshylar 2 gaz ballonyn alyp shyqty. Al ǵımarat ishinen er adamnyń múrdesi tabyldy. Órtti sóndirýge tótenshe jaǵdaılar departamentiniń 15 qyzmetkeri men 5 birlik tehnıka, AMO jumyldyryldy», — dep habarlady Pavlodar oblysy tótenshe jaǵdaılar departamentiniń baspasóz qyzmetinen.

Tilsiz jaý 15 sharshy metr aýmaqty sharpyǵan. Qazir órttiń shyǵý sebebi anyqtalý ústinde.

Buǵan deıin Pavlodarda órtengen úıden er adamnyń múrdesi tabylǵany týraly jazǵanbyz.

Mamandar órttiń shyǵýyna úıdegi pesh nemese temeki tuqyly sebep bolýy múmkin ekenin aıtqan.

Sondaı-aq 34 jasar áıel ıis tıip kóz jumdy.