Pavlodarda Ortalyq Azııadaǵy eń iri kópir ótkeli alǵashqy synnan ótti
ASTANA. QazAqparat - Pavlodarda Ertis ózeni arqyly ótetin Ortalyq Azııadaǵy eń iri kópir ótkeli alǵashqy synnan ótti. Bul týraly búgin Óńirlik kommýnıkatsııalar qyzmetinde ótken brıfıngte «QazAvtoJol» UK» AQ Pavlodar oblysyndaǵy fılıal basshysynyń orynbasary Amantaı Qasymhanov málim etti, dep habarlaıdy pavlodarnews.kz.
«2 jeltoqsan kúni kópir ótkeli qanshalyq júkti kótere alatyndyǵy tekserildi», - dedi Amantaı Qasymhanov. «Bul úshin kópirdiń boıymen júzden asa datchık ornalastyrylǵan. Olar barlyq aqparatty kópir ótkeline kireberiste turǵan bekette ortalyqtandyrylǵan kompıýterge jiberedi. Shamamen kópir salmaǵy 170 tonnaǵa deıin jetetin avtokólikti ótkize alady. Kópirdiń qıysqan jerleri men arqalyqtary tekserildi. Jalpy, kópir ótkeli synnan oıdaǵydaı ótti. Merdigerler bes jylǵa kepildik beredi. Táýligine kópir ótkeli arqyly 10 myńǵa deıin avtokólik qatynaıdy dep josparlanǵan».
Amantaı Qasymhanovtyń aıtýynsha, 12,3 shaqyrymǵa sozylǵan kópir ótkelinde vıdeobaqylaý qurylǵylary ornatylǵan. Al, kópir arqyly ótý úshin jol aqysy alynatyny týraly aqparatty ol joqqa shyǵardy. Esterińizge sala ketsek, qurylysy 2013 jyldyń tamyzynda bastalǵan kópten kútken kópir ótkeliniń saltanatty ashylýy 14 jeltoqsanǵa belgilengen.
