Pavlodarda órt sóndirýshiler jalyn ishinen 3 balany qutqardy

ASTANA. KAZINFORM — Búgin Pavlodar qalasyndaǵy Jeltoqsan kóshesinde ornalasqan bes qabatty úıdiń biriniń 2-qabatyndaǵy páterde jıhaz ben turmystyq tehnıkanyń janýy oryn aldy.

- Qatty tútinniń saldarynan baspaldaq marshymen 12 adam evakýatsııalanyp, 3 bala qutqarý qalpaqtary arqyly janý jaǵdaıynan ýlanýdan qutqaryldy, - dep jazdy vedomstvodan.

Derekke qaraǵanda, órttiń taralýyna jol berilmeı, 18 sharshy metr alańda sóndirildi.

Kómirtegi totyǵymen ýlanǵan 1 er adam TJM Apattar medıtsınasy ortalyǵynyń brıgadasy alǵashqy medıtsınalyq kómek kórsetkennen keıin aýrýhanaǵa jatqyzyldy.

Aıta keteıik, Aqsaı qalasynda mektep avtobýsy órtenip, júrgizýshi jaraqat aldy.