Pavlodarda órt sóndirýshiler áıeldi aman alyp qaldy
PAVLODAR. QazAqparat – Pavlodarlyq órt sóndirýshiler qamystan jasalǵan úıdiń tóbesinde bolǵan órtti sóndirý kezinde qozǵala almaıtyn áıeldi qutqardy, dep habarlaıdy QazAqparat tilshisi.
«Tórtinshi aqpan kúni saǵat 01:11-de 112 qyzmetiniń dıspetcherinen Pavlodardyń №1 mamandandyrylǵan órt sóndirý bóliminiń pýltine Hromzavod kóshesindegi 5-oralymda jer úıdiń órtenip jatqany týraly habar kelip tústi. 01:17-de oqıǵa ornyna kelgende jalpy aýdany 60 sharshy metr úıdiń shatyry ashyq janyp jatqany anyqtaldy», - dep habarlady Pavlodar oblystyq TJ departamentiniń Syrtqy jáne ishki kommýnıkatsııa toby.
Órt sóndirýshiler jalyndy eki avtotsısternamen óshirdi. Operatsııany órt sóndirý bóliminiń aǵa ınjeneri, aǵa leıtenant Gross basqardy.
«Zardap shekkenderdi anyqtaý maqsatynda úıge barlaý júrgizýge tapsyrma berildi. Qutqarý sharalaryn júrgizý barysynda bólimshe komandıri azamattyq qorǵaý starshınasy Baltabaev úıden ózdiginen shyǵa almaǵan áıeldi taýyp aldy. Órt sóndirýshi ony dereý kóterip alyp, jedel járdem qyzmetkerlerine tapsyrdy», - dedi TJD-da.
Órt 01: 35-te oqshaýlanyp, 02: 03-de tolyǵymen óshirildi.
«Órt sóndirýshilerdiń jedel jáne úılesimdi is-áreketteriniń arqasynda adam ólimi oryn alǵan joq, sondaı-aq tilsiz jaýdyń jaqyn mańdaǵy úılerge taralýyna jol berilmedi. Órt ornyna úsh arnaıy tehnıka shyqty», - dep atap ótti departamentte.
