Pavlodarda órt sóndirýshi otqa oranǵan úıden gaz ballonyn alyp shyqty

PAVLODAR. QazAqparat – Pavlodarda órt sóndirýshi janyp jatqan bir qabatty úıden gaz ballonyn alyp shyqty. Oqıǵa qalalyq «Entýzıast» baý-baqsha sharýashylyǵynda boldy, dep habarlaıdy QazAqparat tilshisi.

«№3 órt sóndirý bólimshesiniń qutqarýshysy 27 lıtrlik gaz ballonyn syrtqa shyǵaryp úlgerdi.

Órt Pavlodar qalasynyń «Entýzıast» baý-baqsha sharýashylyǵynda oryn alǵan», - dep málimdedi Pavlodar oblysynyń Tótenshe jaǵdaılar departamentiniń baspasóz qyzmeti.

«101» pýltine órt týraly habar 21:35-te kelip túsken. Kirpishten turǵyzylǵan bir qabatty úıdiń aǵash qurylmalary 80 sharshy metr aýdanda janyp jatqan, dep naqtylady Tótenshe jaǵdaılar departamentinen.