Pavlodarda órt shalǵan qudyqtan er adamnyń máıiti tabyldy
PAVLODAR. QazAqparat - Pavlodarda jylý-oqshaýlaý qudyǵynda órt boldy, dep habarlaıdy pavlodarnews.kz.
«Qaladaǵy Lomov kóshesi, 180 mekenjaıy boıynsha jylý-oqshaýlaý qudyǵynda qoqys, sondaı-aq aýmaǵy 15 sharshy metr aýmaqtaǵy qubyrlar jandy. Gaz-tútinnen qorǵaý qyzmetiniń bólimi men № 2 órt sóndirý bóliminiń jeke quramynan alty adam jáne eki tehnıka jumys istedi», - dedi departamentte. Órt saǵat 00.11-de aýyzdyqtalyp, saǵat 00.59-de sóndirildi.
«Órtti sóndirý kezinde 58 jastaǵy er adamnyń máıiti tabyldy. Aldyn ala boljam boıynsha, órttiń shyǵýyna shylym shegý kezinde saqtyq tanytpaý sebep bolǵan», - dedi baspasóz qyzmetinde.
