Pavlodarda órt saldarynan 6 adam aýrýhanaǵa jatqyzyldy
PAVLODAR. QazAqparat - Pavlodarda sán teatry janynda ornalasqan bes qabatty turǵyn úıden órt shyǵyp, 4 bala men 2 eresek adam aýrýhanaǵa jetkizildi, dep habarlaıdy «QazAqparat» HAA tilshisi.
Shamamen tańǵy segizde bes qabatty turǵyn úıdiń baspaldaǵynda qoqys pen elektr qalqany órtengen. Al «Raısa sán teatry» ǵımaratynyń irgeles qoımasynyń edeni men kıimder órtengen. Tańǵy toǵyz jarymda órt toqtatyldy, taǵy bir saǵattan keıin tolyq sóndirildi. Bes qabatty úıdiń joǵarǵy qabatynan 10 adam quqaryldy, onyń úsheýi - balalar. Órt aýmaǵy on sharshy metr jerdi zaqymdady.
Denesin kúıik shalǵan, orta jáne jeńil deńgeıde ýlanǵan altyn turǵyn aýrýhanaǵa jatqyzyldy, onyń tórteýi balalar.
