Pavlodarda ornatylǵan beınekamera álemdik kórsetkishterden 7 ese az - Baǵdat Mýsın
Sapar aıasynda vedomstvo basshysy Pavlodardaǵy mamandandyrylǵan Halyqqa qyzmet kórsetý ortalyǵynda azamattardy qabyldady, óńir jurtshylyǵymen jáne IT-mamandarmen kezdesti.
Mınıstrlik basshysy qazir qazaqstandyqtarǵa onlaın-formatta 18 negizgi qujat qoljetimdi ekenin aıtty, olardyń ishinde – jeke kýálik, júrgizýshi kýáligi, neke jáne týý týraly kýálikter jáne basqalary bar. Sonymen qatar, Baǵdat Mýsın Memlekettik qyzmetterdi proaktıvti túrde kórsetýge, al bolashaqta adamı faktordan múldem bas tartýǵa baǵyttalǵanyn atap ótti.
«Biz aldymyzǵa Memlekettik qyzmetterdi usyný protsesinen adamı faktordy alyp tastaý maqsatyn qoıyp otyrmyz. Jeke kýálikti alýǵa jáne ony qaıta shyǵarýǵa arnalǵan «qujattandyrý termınaly» sııaqty jobalardy iske asyrý jospary bar. Qazirgi ýaqytta bul joba Nursultan qalasynyń birqatar HQKO-larynda ornatylyp jatyr. Bul qadam turǵyndarǵa kóshi - qon qyzmetiniń qyzmetkerine júginbeı 5-10 mınýt ishinde jeke kýálikke tapsyrys berýge múmkindik beredi», - dedi Baǵdat Mýsın.
Tsıfrlyq vedomstvo basshysy sondaı aq, búginde Pavlodar oblysy halqynyń 98% - y, ıaǵnı 758 myń adam Internet jáne baılanys qyzmetterimen qamtamasyz etilgenin aıtty. Qalǵan 2% jaqyn arada qosylady.
Taǵy bir mańyzdy másele - jaıylymdyq jerlerdiń jaı-kúıin spýtnıkten baǵalaý, onyń nátıjesinde oblysta 1,8 mln ga jaıylymdyq jerdi óz betinshe basyp alý jaǵdaılary anyqtaldy.
Budan basqa, orman resýrstaryn kosmomonıtorıng arqyly 731 aǵash kesý polıgony anyqtaldy, Pavlodar oblysynyń memlekettik orman qory aýmaǵynda 144 qurylys tsıfrlandyryldy. Qurylystardyń zańdylyǵyn tekserý maqsatynda derekter QR ekologııa, geologııa jáne tabıǵı resýrstar Mınıstrligine jiberildi. Tsıfrlanǵan orman alqaptarynyń jalpy aýdany 225,9 myń ga qurady.
Baǵdat Mýsın «Aqyldy qala» júıesin damytý máselesine de toqtaldy. Onyń málimetinshe, Pavlodar Smart city reıtınginde 13-shi orynda tur, ıaǵnı bul rette jumys isteýdi qajet etetin salalar bar.
«Pavlodar qalasynda 100 adamǵa 2 beınekamera ornatylǵan, bul álemdik kórsetkishterden 7 ese az. Mysaly, AQSh-ta 100 adamǵa 15 kameradan keledi. Sondaı-aq, Pavlodarda basqa óńirlermen salystyrǵanda turǵyn úı-kommýnaldyq sektor uıymdarynyń qyzmetterin berý áli kúnge deıin avtomattandyrylmaǵan. TMS qyzmetterin tsıfrlandyrý boıynsha jumystar óńirlik geoaqparattyq portaldar bazasynda júrgizilýde», - dep atap ótti mınıstr.
Sapar barysynda tsıfrlyq vedomstvo basshysy «Jylygai-Teplitsa» óńirlik IT – Hub-tyń jumysymen tanysyp, Pavlodar oblysynyń IT-qaýymdastyǵymen kezdesti. Kezdesý barysynda Baǵdat Mýsın QR TsDIAÓM 2025 jylǵa deıin 100 myń IT-maman daıyndaýǵa nıetti ekenin aıtty. Ol úshin baǵdarlamalaý mektepterine granttar beriledi, ótken jyldyń sońynda 13 IT-mektepke 100 grant berildi, grant 600 myń teńgeni quraıdy. Bıyl taǵy 3 000 grant beriledi.
