Pavlodarda orman qorǵaý mekemesiniń qyzmetkeri zańsyz aǵash kesýmen aınalysqan
PAVLODAR. KAZINFORM - Ertis ózeniniń jaıylmasyndaǵy ormannan zańsyz aǵash kesken tulǵalar toby ustaldy. Keltirilgen shyǵyn kólemi 1,3 mıllıon teńgeden asqan.

Ertis ózeniniń Aqqýly aýdanyndaǵy jaıylmasynda prokýratýranyń úılestirýimen zańsyz aǵash kesýmen aınalysqan adamdar ustaldy.
- Ustalǵandardyń biri Pavlodar oblysynyń orman jáne janýarlar dúnıesin qorǵaý mekemesiniń qyzmetkeri bolyp shyqty. Qylmystyq kodekstiń 340-baby, 3-bóligi jáne 188-baby, 2-bóligi boıynsha sotqa deıingi tergeý aıasynda polıtsııa qyzmetkerleri urlanǵan aǵashtar men qylmys quraldaryn tárkiledi. Ekologııaǵa keltirilgen shyǵyn 1,3 mıllıon teńgeden astam soma boldy, - dep habarlady Bas prokýraýradan.
Qazirgi ýaqytta sotqa deıingi tergeý aıaqtaldy, qylmystyq is sotqa jiberilgen.
Eske sala keteıik, «Ertis ormanynda» 2029 jylǵa deıin aǵash kesýge tyıym salyndy.
«Ertis ormany» rezervatynda aǵash urlyǵy 97 paıyzǵa azaıǵan.