Pavlodarda óndiristik naqty shyǵaryndylardyń kólemi 60 myń tonnaǵa azaıǵan
PAVLODAR. KAZINFORM — Sońǵy bes jyl ishinde Pavlodar óńirindegi óndiristik alpaýyttardyń aýaǵa tastaıtyn zııandy qaldyqtary aıtarlyqtaı tómendegeni tirkelip otyr.
Eger 2021 jyly bul kórsetkish 730 myń tonna bolsa, 2025 jyldyń qorytyndysy boıynsha 670 myń tonnadan asqan joq.
Bul týraly oblystyq ekologııa departamentiniń basshysy Qanat Musaparbekov málimdedi.
— Barlyq óndiristik shyǵaryndylardyń 46,5%-y Ekibastuzda, 27,07%-y — Aqsýda, al 25,2%-y Pavlodarda qalyptasady. 2025 jyly óńir boıynsha atmosferalyq aýaǵa tastalatyn shyǵaryndylar lımıti 25 myń tonnaǵa — 926,6 myńnan 901,5 myń tonnaǵa deıin tómendetildi. Bul memlekettik ekologııalyq saraptama aıasynda jobalyq sheshimderdi qaraý kezinde sońǵy úsh jyldaǵy naqty málimetter boıynsha lımıtterdi anyqtaýǵa baılanysty bolyp otyr, — deıdi ol.
Sońǵy 5 jylda naqty shyǵaryndylar kólemi shamamen 60 myń tonnaǵa azaıǵan. Bul tarapta «Qazaqstan alıýmınııi» AQ, Pavlodar munaı-hımııa zaýyty, Bolat Nurjanov atyndaǵy Ekibastuz GRES-1 jáne Ekibastuz GRES-2 sııaqty iri kásiporyndarynyń tabıǵatty qorǵaý is-sharalaryna basymdyq berip otyrǵanyn atap ótken abzal.
Eske sala keteıik, depýtat Pavlodar oblysynda táýelsiz ekologııalyq aýdıt júrgizýdi surady.
