Pavlodarda óndiriletin AI-95 jáne AI-98 markaly benzınderi talapqa saı — QazMunaıGaz
PAVLODAR. KAZINFORM — Pavlodar munaı-hımııa zaýytynyń AI-95 jáne AI-98 markaly avtokólik benzınderiniń arbıtrajdyq synamalaryn tekserý nátıjeleri belgili boldy.
«QazMunaıGaz» AQ baspasóz qyzmetiniń málimetinshe, bıylǵy 25 tamyzda PMHZ-da óndirilgen benzınniń arbıtrajdyq synamalary «SGS Kazakhstan» táýelsiz zerthanasynda tekserildi. Álemniń 115 elinde qyzmet kórsetetin halyqaralyq kompanııa arbıtrajdyq synamalardyń GOST 32513 standartyna tolyq sáıkes ekenin rastady.
— Pavlodar munaı-hımııa zaýyty óndirgen AI-95 jáne AI-98 markaly benzınderi Kedendik odaqtyń TR TS 013/2011 tehnıkalyq reglamenti men GOST 32513-2013 talaptaryna saı keledi. Zaýyttan jóneltilgen benzın partııalary ónim sapasynyń joǵary ekenin dáleldeıdi, — dep habarlady kompanııanyń baspasóz qyzmetinen.
Eske salaıyq, buǵan deıin áleýmettik jelilerde AI-95 jáne AI-98 markaly benzındi paıdalanǵannan keıin kólikterinde aqaý paıda bolǵanyn aıtqan júrgizýshilerdiń shaǵymy taraǵan edi. Osyǵan baılanysty Energetıka mınıstrligi arnaıy tekseris jumystaryn bastaǵady.
Sondaı-aq Pavlodar munaı zaýytyndaǵy josparly jóndeý jumystary 2027 jylǵa aýystyryldy.
