Pavlodarda ólgen taksı júrgizýshisi sol kúni Indraıver arqyly tapsyrys almaǵan
«Azamat Uıyqbaev qosymshaǵa júrgizýshi bolyp tirkelgeni ras, alaıda ol sol kúni mobıldi qosymsha arqyly tapsyrys almaǵan. Júıede qoldanýshylardyń derekteri, tarıhy men tapsyrys geografııasy tirkeledi. Basqa jaǵdaıda aqparat tek quqyq qorǵaý organdaryna beriledi», - dep habarlady inDriver servısiniń baspasóz qyzmeti.
«Azamattyń týystary men jaqyndaryna qaıǵyly oqıǵaǵa baılanysty kóńil aıtamyz. Kompanııa onyń otbasyna kómek kórsetpek. Júrgizýshilerden keshqurym jol-jónekeı jolaýshy almaýlaryn suraımyz», - delingen kompanııanyń habarlamasynda.
Eske salaıyq, polıtsııa 16 jeltoqsanda taksı júrgizýshisi Azamat Uıyqbaevtyń denesin Pavlodar-Omby tasjolynan tapqan. Jas jigitti belbeýmen qylqyndyryp óltirgen. Oǵan qastandyq jasady degen kúdikpen úsh adam ustaldy. Olar jigitti óltirip, kóligin alyp ketken. Arasynda «inDriver» mobıldi qosymshasy arqyly tapsyrys qabyldaıtyn 28 jastaǵy Azamattyń artynda úsh balasy men áıeli qaldy.