Pavlodarda oqýshylardy testke aqsha jınaýǵa májbúrlegen

PAVLODAR. QazAqparat - Pavlodar oblysy boıynsha jemqorlyqqa qarsy kúres departamentinde oqýshylardyń ata-analary balalardyń bilimin májbúrli túrde aqyly testileý faktileri týraly málim etti, dep habarlaıdy QazAqparat tilshisi.

Elimizdegi birqatar óńirlerde, sonyń ishinde Ertis aımaǵynda kommertsııalyq uıymdardyń aqyly testileýin ótkizý úshin qarajatty májbúrli jınaýǵa jol beretin mektep ákimshilikteri ata-analardy  jańylystyryp, memleket apparatynyń ımıdjine nuqsan keltirýde. Sonymen qatar, «Bilim berý týraly» Zańǵa sáıkes, bilim alýshylar men tárbıelenýshiler tegin sapaly bilim alýǵa quqyly», - dep habarlady Pavlodar oblystyq memlekettik qyzmet isteri jáne sybaılas jemqorlyqqa qarsy is-qımyl departamenti.

Bilim berý uıymdarynda tek qosymsha bilim berý qyzmetterine, óz beıimdilikteri men qajettilikteri úshin tóleý qajet. Onyń ishine aqyly testileý kirmeıdi, dep habarlady vedomstvoda.

«Eger ata-analar májbúrli aqyly testileý faktilerine tap bolsa, bizdiń departamentke 8 747 404 1424 nómiri boıynsha WhatsApp-jelisine nemese myna mekenjaıǵa habarlasýlaryna bolady: Pavlodar, Jeńis alańy, 5A, sybaılas jemqorlyqtyń aldyn alý basqarmasy, 4 qabat, 407 kabınet», - dep atap ótti departament.