Pavlodarda oqýshy muǵalimdi tunshyqtyrmaq boldy

PAVLODAR. KAZINFORM – Pavlodardaǵy №11 mektepte kúzgi bal kezinde muǵalim men oqýshy arasynda janjal týyndady.

Oqıǵa týraly aqparat Telegram-arnada jarııalanǵan. Belgili bolǵandaı, akt zalynda ótken shara barysynda muǵalimniń eskertýinen keıin 9-synyp oqýshysy áıel ustazdy moınynan qysyp, biraz ýaqyt boıy tunshyqtyrǵan. Keıin oqýshy muǵalimdi jiberip, zaldan shyǵyp ketken.

– №11 mektepte bolǵan oqıǵany rastaımyz. Quqyq qorǵaý organdary ata-anaǵa qatysty ákimshilik hattama toltyrdy, is materıaldary sotqa joldandy, – dep habarlady Pavlodar qalalyq bilim bólimi.

Aqparatty Pavlodar oblystyq polıtsııa departamenti de rastady.

Vedomstvonyń málimetinshe, oqıǵaǵa baılanysty tekserý júrgizilgen, al oqýshynyń áreketi kámeletke tolmaǵandar isi jónindegi komıssııada qaralatyn bolady.

Eske sala keteıik, Almaty oblysynda 7-synyp oqýshysyn zorlaý áreketi boıynsha tergeý júrip jatyr.