Pavlodarda ógeı ákesi balany ústeldi jınamaǵany úshin urǵan

PAVLODAR. KAZINFORM – Pavlodar oblysynyń polıtsııa departamenti 5-synyp oqýshysynyń soqqyǵa jyǵylý faktisi boıynsha tergeý júrgizip jatyr. Bul týraly Pavlodar oblysy Polıtsııa departamenti habarlady.

Ógeı ákesi kúdikke ilinip otyr. Kámeletke tolmaǵan balaǵa qol jumsaý deregi boıynsha qylmystyq is qozǵalǵan.

Oqıǵanyń mán-jaıy men sebepteri tergeý barysynda anyqtalatyn bolady.

— 4 naýryzda ógeı ákesi kámeletke tolmaǵan ógeı balasyn ústeldi jınamaǵany úshin urǵany anyqtaldy, — delingen Pavlodar oblysy Polıtsııa departamenti habarlamasynda. 

Bastapqyda zańdy ókil ótinishten bas tartty.

Sondaı-aq, ótinishten bas tartqan ananyń tártibi kámeletke tolmaǵandardyń isteri jáne olardyń quqyqtaryn qorǵaý jónindegi komıssııada qaralatyn bolady.

Aıta ketelik Pavlodarda ishimdikke toıyp alǵan mektep kúzetshisi oqýshyny urǵany týraly jazǵan edik.